ཆོས་བརྡ།

༄༅། །མཆོག་ཏུ་བཀུར་འོས་སྐྱབས་གནས་དགེ་འདུན་གྱི་སྡེ་གཉིས་དབུས་པའི་རྒྱ་ཆེ་དད་ལྡན་མི་མང་ཡོངས་ཀྱི་དྲུང་དེུ།
 

  ཞུ་གསོལ། བོད་རྒྱལ་ལོ་ ༢༡༥༠ བོད་ཟླ་ ༡༢ ཚེས་ ༡༨ ཕྱི་ལོ་ ༢༠༢༤ ཟླ་བ་ ༡ ཚེས་ ༢༨ རེས་གཟའ་ཉི་མའི་ཉིན། ཀུན་མཁྱེན་ཆེན་མོའི་འདས་མཆོད་ཁེལ་བས། དེ་ཉིན་གངས་ལྗོངས་ཆོས་ལྡན་གླིང་གི་མཆོད་ཁང་དུ་སྔ་དྲོའི་ཆུ་ཚོད་ ༡༠ ནས་ཕྱི་དྲོའི་ཆུ་ཚོད་ ༥ པའི་བར། སྤྱིར་རྒྱལ་བསྟན་སྤྱི་དང་། ཁྱད་པར་གསང་ཆེན་སྔ་འགྱུར་བ་ལ་ཤིན་ཏུ་ནས་བཀའ་དྲིན་ཆེ་བའི་ཀུན་མཁྱེན་རྣམ་གསུམ་སྟེ། ཀུན་མཁྱེན་རོང་ཟོམ་མ་ཧཱ་པཎྜིཏ་ཆོས་ཀྱི་བཟང་པོ་མཆོག་དང་། ཀུན་མཁྱེན་ཀློང་ཆེན་རབ་འབྱམས། ཀུན་མཁྱེན་མི་ཕམ་འཇམ་དབྱངས་རྣམ་རྒྱལ་རྒྱ་མཚོ་རྣམ་གསུམ་གྱི་རྗེས་དྲན་འདས་མཆོད་ཅིག གསང་ཐིག་ཡུམ་ཀའི་དཀྱིལ་འཁོར་ཞལ་ཁ་ཕྱེ་སྟེ་ཚོགས་མཆོད་རྒྱ་མི་ཆུང་ཞིག་དབུལ་རྒྱུ་ལགས་པས། དེ་ལུགས་ལྷན་རྒྱས་ནས་དགོངས་འཇགས་ཀྱིས་གཤམ་གསལ་དུས་གནས་ཐོག ཆིབས་སྒྱུར་བཀའ་དྲིན་ཆེ་གནང་ཡོང་བར་ཞུ་ཞེས་གོ་སྒྲིག་པ་རྒྱལ་སྤྱི་དཔལ་སྔ་འགྱུར་རྙིང་མའི་ཐེབས་རྩ་ཚོགས་པའི་ངོས་ནས། གུས་ཕྱག་གྲངས་མེད་དང་བཅས། ཕྱི་ལོ་ ༢༠༢༣ ཟླ་བ་ ༡༢ ཚེས་   ༣༠ དགེ་བའི་ཉིན་མོར་སྤེལ།

ཐུགས་གནང་གཞེན་སྐུལ།
ཚོགས་ཚེས།  ཕྱི་ལོ་ ༢༠༢༤ ཟླ་བ་ ༡ ཚེས་ ༢༨།
ཆུ་ཚོད།     སྔ་དྲོའི་ཆུ་ཚོད་ ༡༠ ནས་ཕྱི་དྲོའི་ཆུ་ཚོད་ ༥ པའི་བར།
ཚོགས་ས།    གངས་ལྗོངས་ཆོས་ལྡན་གླིང་གི་མཆོད་ཁང་།
གོ་སྒྲིག་པ།    རྒྱལ་སྤྱི་དཔལ་སྔ་འགྱུར་རྙིང་མའི་ཐེབས་རྩ།