༄༅། །ཁེ་ན་ཌའི་མ་གཅིག་ཁྲོས་མ་ནག་མོའི་འབུམ་ཚོགས།

​

 ༄༅། །འདི་ག་ས་གནས་ཀྱི་མ་གཅིག་ཁྲོས་མ་ནག་མོའི་ཉམས་ལེན་པ་རྣལ་འབྱོར་ཕོ་མོ་དང་། མི་མང་རྣམ་པའི་རེ་འདུན་ལྟར། རྒྱལ་བའི་བསྟན་པ་རིན་པོ་ཆེ་དང་། དེ་འཛིན་གྱི་སྐྱེས་བུ་དམ་པ་༧གོང་ས་ལྷ་མིའི་རྣམ་འདྲེན་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གིས་དབུས་པའི་གང་ན་སུ་བཞུགས་རྣམ་པའི་སྐུ་ཚེ་ཞབས་པད་བཀལ་བརྒྱར་བརྟན་ཅིང་། སྐྱེ་རྒུའི་དཔལ་ལ་ཕན་བདེ་ཡུན་དུ་འཆར་བ་དང་། འཇིག་རྟེན་རྒུད་པ་མ་ལུས་བསལ་པའི་སླད་དུ། མ་གཅིག་ཁྲོས་མ་ནག་མོའི་འབུམ་ཚོགས་ཐེངས་དང་པོ་འདི་བཞིན། བོད་རྒྱལ་ལོ་ ༢༡༤༩ བོད་ཟླ་ ༦ ཚེས་ ༢༣ ནས་ ༢༥། ཕྱི་ལོ་༢༠༢༢ ཕྱི་ཟླ་ ༨ ཕྱི་ཚེས་ ༡༩ ནས་༢༡ བར། འདི་ག་ས་གནས་ཀྱི་ཆོས་སྡེ་དང་། ཚོགས་སྡེ། དེ་བཞིན་རྒྱ་ཆེ་མི་མང་བཅས་ཀྱི་རྒྱབ་སྐྱོར་ལ་བརྟེན་ནས། ངེད་རྒྱལ་སྤྱིའི་དཔལ་སྔ་འགྱུར་རྙིང་མའི་ཐེབས་རྩ་ཚོགས་པའི་ངོས་ནས་གོ་སྒྲིག་ཞུས་པ་འདེའི་ཚོགས་མགོན་དུ། ༧སྐྱབས་རྗེ་གདུང་སྲས་རྣམ་རྒྱལ་ཟླ་བ་རིན་པོ་ཆེ་མཆོག་ཆིབས་བསྒྱུར་གྱིས་ཚོགས་བཅར་བ་སྐྱབས་གནས་དགེ་འདུན་གྱི་སྡེ་དང་། རྣལ་འབྱོར་ཕོ་མོ། དད་ལྡན་མི་མང་སྟོང་ཚོ་གཅིག་ཙམ་འདུས་པའི་ཚོགས་འཁོར་རྒྱ་མི་ཆུང་བ་ཞིག་ཚུགས་ཐུབ་པ་བྱུང་བ་མ་ཟད། ཇི་སྲིད་ནམ་གནས་བར་འདིི་ཕྱོགས་སུ་ལོ་ལྟར་འབུམ་ཚོགས་རེ་དང་ཆབས་ཅིག བོད་རྒྱལ་ལོ་ ༢༡༤༩ བོད་ཟླ་ ༨ ཚེས་ ༢༥ ཕྱིི་ལོ་ ༢༠༢༢ ཟླ་བ་ ༡༠ ཚེས་ ༢༠ ནས་མར་ངོའི་ཚེས་བཅུ་ནམ་ཡིན་ལ་མ་གཅིག་ཁྲོས་མ་ནག་མོའི་ཚོགས་འཁོར་རྒྱ་མི་ཆུང་བ་རེ་འདི་གའི་སྤྱི་ཁང་དུ་ཚོགས་ཁང་གཡར་པོ་ཞུས་ཏེ་ཚོགས་རྒྱུའང་འགོ་བརྩམས་ཐུབ་པ་བྱུང་ཡོད།